வாக்கு

... வாக்கு

அரை ஆடை உடுத்தி

அரசுக்கு கவனம் சொன்னோம்..

கண்டு கொண்டார் இல்லை..

சாலை மேம்பாட்டுக்கென

பிள்ளையென வளர்த்த

விளைநிலம் பறிகொடுத்தோம்.

போனது பாதி உயிரும்

வாழ்வாதாரமும்..

மீட்டு கொடுப்பார் இல்லை..

தன் பங்கு என கஜாவும்

இடை ஆடையையும்

பறித்து கொண்டது..

கவனிப்பார் இல்லை..

உலகுக்கு

உணவளிப்போர் நாங்கள்..

எங்களிடம்

கையேந்தல் இல்லை..

எங்களுக்கு

வாக்குக்கு பணம் வேண்டாம்..

வாழ்ந்து கொள்ள

நம்பிக்கை கொடுங்கள் போதும்..

உங்களுக்கே வாக்கு...